Քարավազ ջրվեժ
Քարավազ, ջրաերկրաբանական բնության հուշարձան Հայաստանում, որը ջրվեժ է։ Բնության հուշարձանը գտնվում է Վայոց ձորի մարզում, Հերհեր գետի աջակողմյան վտակի վրա, Կարմրաշեն գյուղից 2 կմ արևելք։ Այն գրանցված է բնության պետական հուշարձանների ցանկում։ Բնության պետական հուշարձանների ցանկում ներառվել է 2008 թվականի օգոստոսի 14-ին:
Հերհերի ջրվեժ
Հերհերի ջրվեժ, բնության հուշարձան Հայաստանի Հանրապետությունում։ Բնության հուշարձանը գտնվում է Վայոց ձորի մարզի Հերհեր գետի վրա գտնվող համանուն գյուղից 2.5 կմ հյուսիս։ Այն գրանցված է բնության պետական հուշարձանների ցանկում։ Բնության պետական հուշարձանների ցանկում ներառվել է 2008 թվականի օգոստոսի 14-ին:
Ջերմուկի ջրվեժ
Ջերմուկի ջրվեժ, ջրվեժ, բնության ջրաերկրաբանական հուշարձան Հայաստանի Վայոց ձորի մարզում՝ Ջերմուկ քաղաքում՝ Արփա գետի աջակողմյան Ջերմուկ վտակի վրա։ Այն գրանցված է բնության պետական հուշարձանների ցանկում։ Բնության պետական հուշարձանների ցանկում ներառվել է 2008 թվականի օգոստոսի 14-ին:
Ջրվեժի հետ կապված բավականին հետաքրքիր լեգենդ կա, ըստ որի՝ դրա զառիթափ ժայռերի վրա ժամանակին ապրում էր հայ ազնվական, ով ուներ մի գեղեցիկ դուստր: Աշխարհի չորս կողմերից տղամարդիկ գեղեցկուհու ձեռքն էին խնդրում, սակայն աղջկա սիրտը պատկանում էր մի հովվի որդու: Ամեն օր, երբ նրանք հանդիպում էին ուշ գիշերով, նա երկար պարան էր նետում կիրճը, որպեսզի տղան կարողանա բարձրանա իր տուն: Մի օր աղջկա հայրն իմանում է նրանց գաղտնիքի մասին և անիծում դստերը՝ ասելով. «Եթե մեկ անգամ էլ հանդիպես այդ տղային, ապա դու կդառնաս ջրահարս և երբեք չես կարողանա դուրս գալ ջրից»: Նրանց հաջորդ հանդիպման օրը, պարանի փոխարեն՝ աղջիկը իր երկար մազերն է նետում տղայի կողմը, և անեծքը կատարվում է. նա ջրահարս է դառնում, իսկ մազերը վերածվում են ջրվեժի:
Այդ պատճառով Ջերմուկի ջրվեժը երբեմն կոչում են «Ջրահարսի վարսեր»:
Արտավանի ջրվեժ
Արտավանի ջրվեժ գտնվում է Հայաստանի Վայոց Ձորի մարզում, Արտավան գյուղից 4 կմ հարավ-արևելք, Արտավան գետի վրա
Գետիկվանքի ջրվեժ
Գետիկվանք, ջրվեժ, բնության հուշարձան Հայաստանի Հանրապետությունում։ Բնության հուշարձանը գտնվում է Վայոց ձորի մարզում՝ Եղեգիս գետի աջակողմյան վտակի վրա։ Այն գրանցված է բնության պետական հուշարձանների ցանկում։ Բնության պետական հուշարձանների ցանկում ներառվել է 2008 թվականի օգոստոսի 14-ին:
Գողթանիկի ջրվեժ
Գողթանիկի ջրվեժը գտնվում է ՀՀ Վայոց ձորի մարզի Գողթանիկ գյուղում՝ դեպի Արատեսի վանք գնացող ճանապարհին։ Ջրվեժի բարձրությունը 12 մետր է: Հեռավորությունը Եղեգնաձոր քաղաքից 30 կմ է։ Գողթանիկը գտնվում է ծովի մակարդակից 1850 մ բարձրության վրա։