Մարդու իրավունքները՝
- նման են զրահի․ դրանք պաշտպանում են մեզ,
- նման են կանոնների, քանի որ վարքագիծ են սահմանում,
- նման են դատավորների, քանի որ կարող ենք դիմել նրանց,
- նման են բնությանը, քանի որ կարող են ոտնահարվել,
- նման են հոգու, քանի որ հնարավոր չէ ոչնչացնել։
Մարդու իրավունքները հավասարապես վերաբերում են բոլորին՝ լինի մարդը հարուստ թե աղքատ, ծեր թե երիտասարդ, բարձրահասակ թե երիտասարդ։ Մարդու իրավունքները անձին օժտում են արժանապատվությամբ և պարտավորեցնում, որ հարգալից վերաբերվի այլոց։ Ինչպես առաքինության, ճշմարտության և արդարության սահմանումների, այնպես էլ մարդու իրավունքների սահմանման վերաբերյալ շատ տարաձայնություններ կան , սակայն դրանց առնչվելով՝ մարդը ավելի խորն է գիտակցում դրանց իմաստը։
Իրավունքը մարդու կողմից ներկայացված արդարացի պահանջն է։ Օրինակ՝ քաղաքացիները ընտրելու իրավունք ունեն, եթե պետության սահմանադրության մեջ դա ամրագրչված է։ Մարդիկ իրավասու են ակնկալելու այն ամենը, եթե նրանց այդ իրավունքների իրականացման երաշխիքներ կամ խոստումներ են տրվել։
Սակայն մարդու իրավունքները, պահանջ լինելով հանդերձ, վերջինից տարբերվում են նրանով, որ կախված չեն որևէ խոստումից կամ որևէ մեկի տված երաշխիքից։ Մի անձի կյանքի իրավունքը կախված չէ մեկ ուրիշի՝ նրան չսպանելու խոստումից․ գուցե նրա կյանքը կախված է դրանից, բայց ոչ կյանքի իրավունքը։
Ընդունել մարդու իրավունքները նշանակում է ընդունել, որ բոլորն իրավասու են ներկայացնելու այդ պահանջը։ Մարդու իրավունքները հավասարապես բոլորինն են։
Բոլոր մարդիկ հավասարապես և մշտապես օժտված են մարդու իրավունքներով։
Մարդու իրավունքները՝
- Համընդանուր են․ աշխարհում ամենուր դրանք նույնն են բոլոր մարդկանց համար։ Մարդիկ իրավունքներով օժտված են այն պատճառով, որ ոչ միայն որևէ երկրի քաղաքացի են , այլև մարդկային ընտանիքի անդամներ․
- անկապտելի են․ մենք ձեռք ենք բերել դրանք մեր ծննդյան օրից և չենք կարող կորցնել․
- անբաժանելի են․ ոչ ոք չի կարող զրկել մարդուն որևէ իրավունքից՝ վերջինիս «պակաս կարևոր» կամ «ոչ էական» լինելու պատճառով։
- փողկապակցված են․ մարդու բոլոր իրավունքները միասին կազմում են մեկ միասնական համակարգ։
Ընդունելով իր իրավունքները՝ յուրաքանչյուր ոք ընդունում է նաև պարտավորություններ՝ հարգելու և պաշտպանելու այլոց իրավունքները։
Մարդու իրավունքները համընդանուր են և հավասարապես վերաբերվում են բոլորին ։ Չնայած դրան աշխարհում կան բազմաթիվ մարդիկ, որոնց իրավունքները ոտնահարված են։