Ես Գոհար Սիմոնյանն եմ՝ 15 տարեկան։ Սովորել եմ Նորագավթի 140 հիմնական դպրոցում ։ Ես հաճախել եմ գորգագործության , դիզայնի, պարի, դաշնամուրի։ Սիրում եմ լուսանկարել բնությունը ։ Ազատ ժամանակ սիրում եմ գիրք կարդալ, ֆիլմեր դիտել և երաժշտություն լսել։ Ճիշտ է, մինչ քոլեջ գալը վախենում էի, որ նոր միջավայր եմ ընկնելու, բայց հետո երբ հայտնվեցի այստեղ, բարի ու ջերմ մթնոլորտը ինձ ստիպեց հանդարտվել։ Այժմ սովորում եմ «Մխիթար Սեբաստացու»կրթահամալիրի քոլեջում։ Ինձ շատ Է դուր գալիս քոլեջը, քանի որ միջավայրը շատ հաճելի է, իսկ ուսուցիչները շատ լավն են։ Առաջին անգամ ես քոլեջի հետ ճանփորդեցի դեպի Թռչկանի ջրվեժ։ Մինչ ջրվեժին հասնելը մենք հաղթահարեցինք քարքարոտ ճանապարհը և հասանք բարձունքին։ Ճիշտ է, ճանապարհը բարդ էր, բայց քանի որ նպատակային էր, ուստի բոլորիս ձգտումը դեպի բարձրունք իրականացավ։
Նոյեմբերի 4-ին մենք հայոց պատմության և հասարակագիտության ուսուցիչների հետ գնացինք Կարմիր բլուր և Շենգավիթ հնավայր։ Ինձ շատ դուր եկավ, քանի որ ես բացահայտեցի նոր վայրեր։
Ես քոլեջում անցնում եմ հետևյալ առարկանները
Հայոց լեզու՝ այս դասերին մենք հետաքրքրաշարժ վարժություններ ենք գրում, որպեսզի ավելի ամրապդենք լեզվից ունեցած մեր գիտելիքները։
Գրականություն՝ այս առարկայի շնորհիվ ես ծանոթացա նոր գրողների հետ։ Մենք այս դասին կարդացինք Հայրենիքին նվիրված տարբեր բանաստեղծություներ , որոնցից ավելի շատ գրավեց իմ ուշադրությունը Համո Սահյանի «Հայստան ասելիս» բանաստեղծությունը։ Անցանք Կոմիտասի, Ավետիք Իսահկյանի կենսագրությունը, ծանոթացա Վանո Սիրադեղյանի և Գրիգի պատմվածքների հետ, որոնք ինձ շատ դուր եկան։
Հայոց պատմություն— Այս առարկայի շնորհիվ մենք ծանոթանում ենք մեր պատմության հետ, իմանում ուշագրավ տեղեկություններ։ Քոլեջի կազմակերպած շրջագայությունների շնորհիվ այն առավել հետաքրքիր է դառնում։
Ռուսաց լեզու՝ Մեր ռուսերենի դասերը, ինչպես և մյուսները շատ հավես են անցնում։ Ռուսերենի ժամանակ մենք տարբեր նախագծեր ենք անում, որոնք ինձ շատ են դուր գալիս։ Դրանք օգնում են ավելի լավ տիրապետել լեզվին։ Ես այս դասի շնորհիվ նոր բառեր իմացա։
Անգլերեն՝ Անգլերենի դասատուները անընդհատ փոխվում էին և դժվար էր հարմարվել դասատուների հետ, բայց այժմ ես հարմարվել եմ նոր ուսուցչուհու հետ։ Անգլերենը ճիշտ է, ես այդքան լավ չգիտեմ և չեմ սիրում նոր լեզուներ սովորել,բայց այն հետաքրքիր է, և ես փորձում եմ սովորել։
Իսպաներեն՝ Իսապաներենը առաջին իսկ պահից ինձ շատ դուր եկավ, քանի որ լեզուն շատ հաճելի էր։
Ֆիզիկա․ Դպրոցում ես չէի սիրում այս առարկան, քանի որ չէի հասկանում , բայց քոլեջում ընկեր Նելլին այնքան լավ է բացատրում, որ հասկանում եմ, իսկ եթե չեմ հասկանում, նա չի զլանում և նորից բացատրում է։
էկալոգիա․ Էկալոգիայի ժամը շատ հետաքրքիր է անցնում , ես այս դասի շնորհիվ իմացա, թե ինչ թունավոր սնունդներ կան։ Սովորեցի տարբեր էկալոգիական նշաներ, իմացա, թե որոնք են թունավոր կոսմետիկ միջոցները։
Աշխարհագրություն — Այս առարկայի դասավանդումը ևս քոլեջում հասկանալի և հետաքրքիր է։
Կենսաբանություն-Այս առարկան հետաքրքիր է նրանով, որ ուսուցչուհու հանձնարարած աշխատանքների արդյունքում այն ավելի է ամրապնդում մեր գտելիքները։
Հանրահաշիվ— Մաթեմատիկան դպրոցում ինձ այդքան էլ դուր չէր գալիս, բայց քոլեջում լավ դասավանդման արդյունքում ինձ սկսեց դուր գալ։
Երաժշտություն- Այս առակայի շնորհիվ մենք սովորում ենք մեր ազգային երգերն ու պարերը ։
Հասարակագիտություն— Հասարակագիտության դասաժամին քննարկում ենք ազատությունների, արդարությունների, հավասարությունների, իրավունքների և այլ թեմաների շուրջ,որոնք շատ հետաքրքիր են։
